'იმერეთი. დედაჩემი' :)

აი ასე ყვავის ალუჩა ჩემს ეზოში:)

და უამრავი ფუტკარი ეხვევა

და უსაოცრეს სურნელს აფრქვევს

ისეთი ფანტასტიური საღამო იყო გუშინ... ენითაუწერლად მშვიდი, თბილი...

და იყო დედა, აყვავებული ხეები და ვერანდა...

არ შეიცვალოს არაფერი, ოღონდ არ შეიცვალოს რაღაცეები, რაც გულის გახეთქვამდე მიყვარს...

რა ბნელი დღეა...
ჩემი ფანჯრის წინ ხე მოუჭრიათ, ბებერი იყო და მაინც წაიქცეოდაო.
უცნაურია... უზარმაზარი ხე იყო, მთელი წელი გვერდით ავუვლიდი, ჩავუვლიდი, შემოვუვლიდი კიდეც ალბათ და არც შემიმჩნევია, რო მოუჭრიათ. მითხრეს პროსტა.

გუშინ ძალიან მსუქანი, პატარა და კოტიტა კაცი ძალიან გამხდარ, საკმაოდ მაღალ და გაუგებრად მორცხვ ქალთან ერთად კონსპირაციულად შემოვიდა თითქმის ცარიელ კაფეში. ერთხანს მაგიდას არჩევდნენ (ორასი ცარიელი მაგიდა), უხერხულად გაიარ–გამოიარეს, სკამი ხრიგინით გადააბრუნეს, ბოდიში მოიხადეს, ნათურა გამოართვევინეს, როგორც იქნა დასხდნენ და რაღაც შეუკვეთეს – როგორც მერე აღმოჩნდა, ორი ადამიანისთვის ზედმეტად ბევრი. ქალმა დაბნეულად დაიწყო თმის გასწორება, მერე უცებ გაახსენდა რო პიჯაკი ეცვა და მგონი გაუხარდა, რო რამდენიმე წამი შეეძლო მისი გახდით და სკამის საზურგეზე დაკიდებით დაკავებულიყო და საქმიანად აწრიალდა...

აუ არ უნდოდა იმ ქალს იმ კაცთან, მარა იყო... თვითკმაყოფილი კოტიტა სკამზე ოდნავ გადაწოლილი უყურებდა, ბრიყვული ღიმილით. იმას უნდოდა.

მეორე წყვილიც რო შემოვიდა, ვეღარ გავუძელი და გამოვიქეცი

ო–ლა–ლაა

აუ ნახეთ რა ვიპოვე...

მერი შერვაშიძე, ულამაზესი...

ფორუმ.ჯიზე ბარკემპის თემას ვეძებდი და წავაწყდი მეგრული ვიკიპედიის (!) ლინკს, რათქმაუნდა თავქუდმოგლეჯილი შევვარდი და აი ეს აღმოვაჩინე...

მაგარი ამბეფი (!) წერია, ერთ სიტყვა ვერ გავიგე საქორთუოს გარდა, მარა ფოტომ მომხიბლა...

როგორი ძალიან ქართული გარეგნობა აქვს, არა? სახის მოყვანილობა, თვალ–წარბი, ცხვირი, თხელი ტუჩები.

თხელი ტუჩები არ მიყვარს ისე, მარა გვჭირს ეს უბედურება.

ოღონდ მერი შერვაშიძეს ეს არ ეხება

ადამიანებს უნდათ, რო ყველასგან განსხვავებულები იყვნენ და მაინც ეძებენ თავისნაირებს. რა მაგარია.

ეს არი ერთი და იგივე პასუხი ყველა კითხვაზე, ერთადერთი რამე, რისი თქმაც მინდება ყველაფრის გამო, რასაც აკეთებს და ამბობს; ყველაფრისთვის შესაფერისი და ადეკვატური.

მარა რად უნდა ადამიანს პასუხი, რომელსაც არ ელოდება?

Boundaries

მუსიკას ვერ ველევი ხოლმე
შუაღამეს გადაცდა, ვკვდები ისე მეძინება და ვერ ვრთავ... რა ვქნა? საოცარი მელოდიები ენაცვლება ერთმანეთს, მოულოდნელად, რადიოა და იმიტომ:)
აი ამის მერე გამოვრთავ!
და ვერ... :)

რა ბედნიერებაა რო იცნობ ადამიანს და ისიც გიცნობს.
ერთმანეთი რო იცით...

G.

ვაგროვებ:)

Rule #1. Google is always right
Rule #1'. Google is always right there:)

ვგიჟდები ამ ფილმზე:))

Harry Burns: You realize of course that we could never be friends.
Sally Albright: Why not?
Harry Burns: What I'm saying is - and this is not a come-on in any way, shape or form - is that men and women can't be friends because the sex part always gets in the way
Sally Albright: That's not true. I have a number of men friends and there is no sex involved.
Harry Burns: No you don't.
Sally Albright: Yes I do.
Harry Burns: No you don't.
Sally Albright: Yes I do.
Harry Burns: You only think you do.
Sally Albright: You say I'm having sex with these men without my knowledge?
Harry Burns: No, what I'm saying is they all WANT to have sex with you.
Sally Albright: They do not.
Harry Burns: Do too.
Sally Albright: They do not.
Harry Burns: Do too.
Sally Albright: How do you know?
Harry Burns: Because no man can be friends with a woman that he finds attractive. He always wants to have sex with her.
Sally Albright: So, you're saying that a man can be friends with a woman he finds unattractive?
Harry Burns: No. You pretty much want to nail 'em too.
Sally Albright: What if THEY don't want to have sex with YOU?
Harry Burns: Doesn't matter because the sex thing is already out there so the friendship is ultimately doomed and that is the end of the story.
Sally Albright: Well, I guess we're not going to be friends then.
Harry Burns: I guess not.

არადა ვაბშე არაა ასე:)
ნახეთ სხვა უფრო საკაიფო რაღაცეები აქ

ასე ვერ გავფრინდებით

www.eurovision-georgia.ge/geo

წუხელ ევროვიზიის შიდა შესარჩევი კონკურსი აჩვენეს, გამეორებით (!)

ეყოფა ბელგრადს თავისი გაჭირვება, გადაბუგულია ისედაც, დაანებეთ თავი, არ წახვიდეთ და არ იმღეროთ ასე, არააა...

საზოგადოებრივი მაუწყებლის საიტზე დევს იმ სიმღერების ჩაწერილი ვერსიები, წუხელ რო უჟასში ჩამაგდო. კაცო, ერთი–ორი სავსებით მოსმენადი აღმოჩნდა. რა იყო ეს სცენაზე... სრული კაკაფონია.

ვაიმე რა საშინელება იყო გახსნა... არანორმალური შინამანაკენა გამოვარდა, მიეჭრა წამყვანს, ყვითელ სანდროს, რომელიც ძაან დაბნეული ჩანდა და რაღაცეებს გაიძახოდა, ეცა და გამოგლიჯა მიკროფონი... ეს ასე იყო ალბათ ჩაფიქრებული, ნიჭიერად, როგორც მგონია... რას გაკიოდა, რა იყო ეს, უიმმმმ. ვინაა საერთოდ ეს ქალი, გადამალონ, ჩაკეტონ სადმე და ჩააცვან სმირიწელნაია რუბაშკა.

ზღვა წავიდა

გაცილებით მარტივია, როცა იცი, რას უნდა ელოდე. იმიტომ რომ არ გაფორიაქებს სასურველი და სინამდვილეში შეუძლებელი რამეების მოლოდინი. მშვიდად ხარ, გეღიმება ცოტა სინანულით, მაგრამ სამაგიეროდ მშვიდად ხარ...

თუმცა იმასაც ამბობენ, რომ შეუძლებელი არაფერია.
მარა ეს სულ სხვა კონტექსტია (ან სხვა ტაში)

Claire...

სინამდვილეში საყვარელ ადამიანებთან ერთად ჩვეულებრივი რაღაცეების კეთებაა ბედნიერება.

Claire განწყობაა.
It's Miles...

Famous funny quotes

Friedrich Nietzsche
A pair of powerful spectacles has sometimes sufficed to cure a person in love.

George Bernard Shaw
Dancing is a perpendicular expression of a horizontal desire.

He who can, does -- he who cannot, teaches.

:))

Hey, I don't do ('cause I damned can't) and I don't teach ('cause I wouldn't dare)
What the hek am I up to I wonder:))))

Stay with me...

ზღვა მოვიდა ჩემთან...

მოვიდა...
ჩემს ოცნებას აეკიდა და გამოჰყვა...
გამიღიმა
იცოდა, როგორ ვფრთხილობდი, მე თვითონ მინდოდა მისვლა ზღვასთან და ვერ ვბედავდი
ისე გამიღიმა, რო მივხვდი, იცოდა
და სუნი მოჰყვა საოცარი, ჩემი საყვარელი სურნელი...
ჩემი სიჩუმე ჩამომიტანა ზღვამ, და გაშტერებული, მოხიბლული მზერა...
ყველაზე ალერსიანი სიო და შხეფებიც

ოცნება ჩასახლდა ზღვაში თუ ზღვა ოცნებაში, ამერია უკვე
მაგრამ ისე ცხადად მოვიდა ზღვა, მემგონი ოცნებას მობეზრდა და სინამდვილეს მიანდო რაღაცეები...
და მე ეს უსაშველოდ მიხარია:)
იცი რამხელა ზღვაა გულში?? მე როგორიც მიყვარს, ზუსტად ისეთი
გრილი, ლივლივა და ალერსიანი
მზეს რო ეთამაშება, ისეთი
მაცდურად რო გიღიმის და გიტყუებს, რო მოგეფეროს, აი ისეთი
შენი გამოშვება რო ენანება მკლავებიდან და შენც რო არ გეთმობა, აი ისეთი

დარჩეს ჩემთან ჩემი ზღვა, რა იქნება... :)
არ გადაუაროს და დარჩეს...

Wyoming highway

გზები მიყვარს მე...
სიამოვნებით გავქროლდებოდი ახლა მანქანით ამ გზაზე და მოვუსმენდი ჰაუსს ძალიან ხმამაღლა

თავისუფლება
თავისუფლება...

როგორ მიილტვის გული და სული, იყოს თავისუფალი...
გასკდა თავი ფიქრით და გული ღელვით...

გეგონა, იყავი თავისუფალი??
ვერ მოგართვეს
მორთმეული თავისუფლება, ხონჩით. ჰმ, კი როგორ არა...


ჯგრაგი...
ამეკვიატა დღეს მთელი დღე. სასწაული სიტყვაა, ღმერთმანი...

მე მოგიტან წყალს

ისეთი სახლი მინდა გაჩუქო,
შენ რომ იცხოვრებ,
ისეთი სიტყვა მინდა დავწერო,
შენ რომ გაიგებ,
ისეთი შუქი მინდა აგინთო,
შენ რომ გაგათბოს,
ისეთი წყალი მინდა გწყუროდეს,
მე რომ მოგიტან,
შენ იცხოვრე ჩემთან,
მე მოგიტან წყალს...

ირაკლი ჩარკვიანი, Svan Songs

Benicio Del Toro

ვგიჟდები:)
იმან არ იცის:)

ჩაიდანი (ან ჩაინიკი)

საშინელი შეგრძნებაა შიში
მარა ჩვეულებრივი შიში, აი მაგალითად სიბნელის ან 'ვაიმე, არ დავეცე, რა მოყინულია' შიში, ან ძაღლი რო მოგდევს, ის შიში ფაფის ჭამაა ფაქტიურად იმასთან შედარებით, როცა გეშინია, რამე არ შეგეშალოს... არ გააფუჭო ძალიან სათუთი ურთიერთობა, შიში წარუმატებლობის, სინანულის შიში...
მუხლი რო გეკვეთება, ცივი ოფლი გასხამს, გაზმორება რო გინდება დაძაბულობისგან... და ეს ყველაფერი მაშინ ხდება, როცა მარტო ხარ საკუთარ თავთან და ფიქრობ აი იმ არგაფუჭებაზე...
პირისპირ შენი შიშის ობიექტთან რა მოგივა?! შეიძლება ჩაიფსა.
ანდა გაძერზკდე და არაფერი შეიმჩნიო (არ დაიჯეროთ:))

ძაან ამპარტავანი ბუნებისაა ადამიანი.
და მე რაღაც ძაან ვშიშინებ დღეს. ნუ დურა.

არადა ობიექტურად ვხვდები, რომ საერთოდ არ უნდა მეშინოდეს, აი ვაბშე:)

არი რაღაცეები, რასაც მხოლოდ ვგრძნობ...

დავწერე, წავშალე, დავწერე, წავშალე...
ვერ დავწერე ვერაფერი
წერამ ვერ ამიტანა დღეს
:)

არადა მეგონა დავწერდი...